Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 288 Hüküm no: 322 Orijinal metin no: [41b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Elyas v. Bayram’ın, câriyesi Mariya’yı âzat ettiği Dârü’l-hilâfeti’l-aliyye Kostantıniyye el-mahmiyye’de Mirahor mahallesinde sâkin Elyas v. Bayram nâm zimmî meclis-i şer‘-i şerîf-i Ahmedî ve mahfil-i dîn-i münîf-i Muhammedî’de ikrâr ve takrîr-i kelâm edip silk-i mülkümde münselike bana rıkkını mu‘terife uzun boylu, açık kaşlı, gök gözlü Moskoviyyetü’l-asl bâ‘isetü’l-kitâb Mariya nâm câriye-i memlûkemi lâ li ivazin ‘âcil ve lâ li garazin âcil tahrîr ve i‘tâk ve zümre-i harâir-i asliyyâta idrâc ve ilhâk eyledim ba‘de’l-yevm mevsûfe-i mezbûre Mariya sâir harâir-i asliyyât gibi hürre olup üzerinde velâdan gayrı hakkım kalmadı dedikde gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Fi’l-yevmi’l-hâmis ve’l-ışrîn min Cumâdelâhire li sene seb‘a ve seb‘în ve elf. Şuhûdü’l-hâl: Mehmed Çelebi Kethüdâ-yı muhzırân, Şükrullah Bey b. Mustafa, Abdi Çelebi b. Hüseyin, İbrahim Çelebi b. Mehmed ve gayruhüm.