Eyüb Mahkemesi (Havass-ı Refia) 74 Numaralı Sicil (H. 1072 - 1073 / M. 1661 - 1662) cilt: 28, sayfa: 132 Hüküm no: 109 Orijinal metin no: [24b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kamer Hatun Vakfı mütevellisi tarafından Mehmed Efendi b. Ali’nin vekil tayin olunması Mahrûse-i Galata tevâbi‘inden kasaba-i Kasımpaşa’da vâki‘ merhûm Eyyühüm Mescid-i Şerîfi’nde merhûm Kamer Hâtun vakfı’na berât-ı şerîf-i âlîşân ile mütevellî olan Mehmed Dede b. Ali nâm kimesne meclis-i şer‘-i hatîr-i lâzımü’t-tevkīrde fahrü’l-eimme râfi‘ü’l-vesîka Mehmed Efendi b. Ali nâm kimesne mahzarında bi tav‘ihî ikrâr ve takrîr-i kelâm edip ben pîr-i sâl-hûrde olup hareketde aczim olmağın vakf-ı mezbûre âid olan icârât ve bi’l-cümle mahsûlâtı ahz ü kabz ve ba‘dehû bana îsâle mütevakkıf olduğu tevliyyet-i mezbûre umûrunun cümlesine mezbûr Mehmed Efendi[’yi] tarafımdan vekîl ve nâib-i menâb nasb ve ta‘yîn eyledim dedikde mukırr-ı mezbûrun ikrâr-ı meşrûhunu mezbûr Mehmed Efendi vicâhen tasdîk edip vekâlet-i mezbûreyi kabûl ve hıdemât-ı lâzımesini ta‘ahhüd ve iltizâm etmeğin mâ hüve’l-vâki‘ kayd şüd. Fi’l-yevmi’r-râbi‘ ve’l-ışrîn min Şa‘bâni’l-mu‘azzam li sene isneteyn ve seb‘în ve elf. Şuhûdü’l-hâl: Umdetü’ş-şüyûh eş-Şeyh Osman Efendi, umdetü’l-eimme Mehmed Efendi b. İbrahim, Hüseyin Efendi b. Abdülfettâh, Şaban Halîfe b. Hüseyin el-Müezzin.