Eyüb Mahkemesi (Havass-ı Refia) 74 Numaralı Sicil (H. 1072 - 1073 / M. 1661 - 1662) cilt: 28, sayfa: 165 Hüküm no: 152 Orijinal metin no: [33a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sultanzâde Abdüllatif Bey b. Mehmed Paşa’nın yanında iken öldürülen oğlunun diyetini talep eden Belkıs bt. Abdullah’a olan borcunu taksitle ödemesi Sâbıkan cezîre-i Mora’da muhassılü’l-emvâl olan umdetü’l-emâcid ve’l-e‘âlî câmi‘ü’l-mehâmid ve’l-mekârim kapıcıbaşılarından Sultanzâde Abdüllatîf Bey b. Mehmed Paşa meclis-i şerî‘at-ı şerîfede mahmiye-i İstanbul’da Müftü Hamamı semtinde Haydar Paşa mahallesinde sâkine olan sâhibetü’l-kitâb Belkıs bt. Abdullah nâm hâtun mahzarında ikrâr ve takrîr-i kelâm edip mezbûr Belkıs Hâtun’un cihet-i deyn-i şer‘îden zimmetimde olan lâzımü’l-edâ ve vâcibü’l-kazâ otuz bin akçe hakkı olup lâkin zikr olunan otuz bin akçeyi mezbûre Belkıs Hâtun’a def‘aten edâ ve teslîme iktidârım olmamağın meblağ-ı mezbûr tamâmına değin her ulûfede ikişer bin akçe vermek üzre taksît olunmak matlûbumdur deyicek mezbûre Belkıs dahi meclis-i mezbûrda fi’l-hakīka zikr olunan otuz bin akçeye tamâm olunca her ulûfede müşârün-ileyh Abdüllatîf Bey’den ikişer bin akçe almak üzre taksît eyledim deyicek gıbbe’t-tasdîki’ş-şer‘î [mâ vaka‘a bi’t-taleb ketb olundu.]. Fi’l-yevmi’l-âşir min şehri Ramazâni’l-mübârek li sene isneteyn ve seb‘în ve elf. Şuhûdü’l-hâl: Ahmed Çavuş b. Mehmed el-Mübâşir, Fahrü’l-akrân Mustafa Bey b. Musa, Ahmed, Ağa b. Nasuh, Sâlih Çelebi el-Müteferrika, Osman Çelebi el-Müteferrika, Mehmed Çelebi b. ( ) çukadâr.