Eyüb Mahkemesi (Havass-ı Refia) 74 Numaralı Sicil (H. 1072 - 1073 / M. 1661 - 1662) cilt: 28, sayfa: 175 Hüküm no: 166 Orijinal metin no: [36a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yani v. Andriye ile Yorgi v. Dimo’nun alacak davasında anlaştıkları Medîne-i Hazret-i Ebâ Eyyûb el-Ensârî -dâme fî rıdvâni’l-Bârî- de mumcu olan Yani v. Andriye nâm zimmî meclis-i şer‘de Yorgi v. Dimo nâm bakkal zimmî muvâcehesinde üzerine da‘vâ edip her sırığı? beş yüz ellişer akçeye olmak üzre yedimden müşterâ ve makbûz beş sırık? mum bahâsından merkūm Yorgi zimmetinde cem‘an iki bin yedi yüz elli akçe hakkım olup taleb eylediğimde edâda ta‘allül ve ta‘annüd etmeğin beynimizde münâza‘ât-ı kesîre cereyân etmişidi el-hâletü hâzihî beynimizde muslihûn tavassut edip da‘vâ-yı mezkûrumdan merkūm Yorgi ile beni iki bin iki yüz fıddî nakd-i râyic fi’l-vakt akçe üzerine inşâ-i akd-i sulh eylediklerinde ben dahi sulh-i mezbûru kabûl ve bedel-i sulh olan mezbûrü’n-na‘t iki bin iki yüz akçeyi tamamen merkūm Yorgi yedinden alıp kabz edip husûs-ı mezbûra müte‘allik de‘âvî ve mütâlebât ve eymân ve muhâsamâtdan mersûm Yorgi’nin zimmetini ibrâ eyledim dedikde gıbbe’t-tasdîki’ş-şer‘î mâ hüve’l-vâki‘ kayd şüd. Fi’l-yevmi’s-sâbi‘ aşer min şehri Ramazâni’l-mübârek li sene isneteyn ve seb‘în ve elf. Şuhûdü’l-hâl: İbrahim Beşe b. Ebûbekir, Mehmed Beşe b. Abdullah, Hüseyin b. Hasan, Dilâver Beşe b. Abdullah ve gayruhüm mine’l-hâzırîn.