Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 297 Hüküm no: 333 Orijinal metin no: [43b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Nikogos v. Marza’nın, Ohan v. Gob’dan alacaklı olduğu Tüccâr tâifesinden işbu bâ‘isü’s-sifr Nikogos v. Marza nâm zimmî meclis-i şer‘-i şerîfde Ohan v. Gob nâm zimmî muvâcehesinde üzerine da‘vâ ve takrîr-i kelâm edip mezbûr Ohan’a doksan aded esedî guruş ikrâz ve teslîm edip ol dahi vech-i mübeyyen üzre iktirâz ve kabz edip meblağ-ı mezbûr zimmetinde bana deyni iken vermekde inâd eder suâl olunsun dedikde gıbbe’s-suâl mezbûr Ohan müdde‘î-i mezbûr Nikogos’a cihet-i mersûmeden vech-i muharrer üzre doksan aded esedî guruş zimmetimde lâzımü’l-edâ ve lâzımü’l-kazâ deynim vardır deyû ikrâr etmeğin ikrârı mûcebince meblağ-ı mersûm doksan aded esedî guruşu müdde‘î-i mezbûra edâ ve teslîm etmek üzre mezbûr Ohan’a tenbîh olunup mâ vaka‘a bi’t-taleb ketb olundu. Fi’l-yevmi’s-sâmin ve’l-ışrîn min Cumâdelâhire li sene seb‘a ve seb‘în ve elf. Şuhûdü’l-hâl: Şükrullah Bey b. Mustafa, Resul Bey b. Rıdvan, Mehmed b. Ramazan, Hüseyin Beşe b. Ömer, Hasan Beşe b. Mehmed.