Eyüb Mahkemesi (Havass-ı Refia) 74 Numaralı Sicil (H. 1072 - 1073 / M. 1661 - 1662) cilt: 28, sayfa: 217 Hüküm no: 218 Orijinal metin no: [47a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed b. Himmet’in, vefat eden Receb Paşazâde Süleyman’da olan alacağının tahsil edilmesi İşbu râfi‘ü’l-vesîka Yazıcı Mehmed b. Himmet nâm kimesne meclis-i şer‘de bundan akdem intikāl-i dâr-ı bekā eden Receb Paşazâde Süleyman Bey’in li ebeveyn karındaşı oğlu kıdvetü’l-emâsil ve’l-akrân Mehmed Bey b. el-merhûm Ahmed Bey tarafından husûmet ve redd-i cevâba vekîl olup vekâleti Ali Beşe b. Mehmed ve İlyas b. Mehmed şehâdetleriyle şer‘an sâbite olan umdetü’l-emâsil ve’l-akrân Ali Ağa b. Mehmed nâm vekîl mahzarında üzerine takrîr ve da‘vâ edip müvekkil-i mûmâ-ileyh Mehmed Bey’in mûrisi merhûm-ı mezbûr yedinden hâl-i hayâtında alıp kabz edip bâkī otuz iki guruşumu kable’l-edâ fevt olmağın edâda te‘allül eder suâl olunup müteveffâ-yı mezbûrun muhallefât-ı vâfiyesinden meblağ-ı mezbûrun alıverilmesi matlûbumdur deyicek gıbbe’s-suâl ve’l-inkâr isre’l-istişhâd udûl-i ricâlden sükkerî Mehmed Efendi’ye tâbi‘