Eyüb Mahkemesi (Havass-ı Refia) 74 Numaralı Sicil (H. 1072 - 1073 / M. 1661 - 1662) cilt: 28, sayfa: 222 Hüküm no: 224 Orijinal metin no: [48b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hâkimin Fâtıma bt. Mehmed adlı küçüğe nafaka takdir ettiği İşbu mazmûnunda nafaka takdîrinden bahseden şer‘î bir vesîkadır ki hâkim, Fâtıma bt. Mehmed nâm sagīrenin nafakası, kisvesi ve sâir havâic-i zarûriyyesi için, âti’z-zikr karyede sâkine olan Ümmühâni bt. Haydar nâm annesi ve hâdinesinin talebiyle, kazâ-i Havâss-ı Kostantıniyye muzâfâtından Terkos nâhiyesi tevâbi‘inden Ormanlı karyesinde sâkin iken bundan akdem vefât eden babası merkūm Mehmed’den irs-i şer‘le kendisine intikāl eden mallardan alınmak üzre, zeyl-i kitâbda mezkûr târihden i‘tibâren râyicü’l-vakt yevmî beş akçe farz ve takdîr etti. Hâkim sonra meblağ-ı merkūmu sagīre-i mezbûrenin mesârif-i lâzımesine sarf etmeye ve vakt-i hâcetde istidâne edip vakt-i zaferde rücû‘ etmesine mezbûre Ümmühâni hâtuna izin verdi. Cerâ zâlike ve hurrire fi’l-yevmi’s-sâlis aşer min şehri Şevvâli’l-mükerrem sene isneteyn ve seb‘în ve elf. Şuhûdü’l-hâl: Bayram b. Ahmed, Ali Beşe Çukadâr, Zağralı Mehmed Çelebi, İbrahim Beşe b. Kurd, Ali Ağa b. Abdullah ve gayruhüm mine’l-hâzırîn