Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 301 Hüküm no: 338 Orijinal metin no: [44a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Elveda Hatun bt. Mehmed Çelebi’nin boşanan kızının çocuğunun bakımını üstlendiği Mahmiye-i İstanbul’da Çukurhamam kurbunda sâkine Elveda Hâtun bt. Mehmed Çelebi meclis-i şer‘-i hatîr-i lâzımü’t-tevkīrden sâbıkan dâmâdı olan Himmet b. Ahmed nâm kimesne mahzarında bi’t-tav‘i’s-sâf ikrâr ve i‘tirâf edip bundan akdem sadriye kızım Fâtıma Hâtun bt. Osman zevc-i mezbûre Himmet ile muhâla‘a ettiklerinde mezbûr Himmet’in firâşından mütevellid sagīre kızı Âişe’yi hakk-ı hidâne sâkıta olunca kendi malından infâk ve iksâ etmek üzre hul‘ ve ba‘dehû mezbûre Fâtıma nefsini ecnebîye tezvîc etmekle sagīr-i mezbûrenin hakk-ı hidânesi bana intikāl ettiğinden sagīre-i mezbûrenin nafaka ve kisvesi kızım mezbûre Fâtıma üzerine lâzım gelmeğin hâlâ sagīre-i mezbûreyi hakk-ı hidânem sâkıt olunca kendi malımdan teberru‘an infâk ve iksâya ta‘ahhüd eyledim dedikde gıbbe’t-tasdîk mâ vaka‘a bi’t-taleb ketb olundu. Fi’l-yevmi’l-hâmis ve’l-ışrîn min Cumâdelâhire li sene seb‘a ve seb‘în ve elf. Şuhûdü’l-hâl: Mustafa Çelebi b. Mehmed, Mehmed b. Abdullah, Mustafa b. Ali, Mehmed Çelebi b. Receb, Baba Resul ve gayruhüm.