Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 303 Hüküm no: 341 Orijinal metin no: [44b-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hasan Ağa b. Mirza’nın Ahmed ve Rukiye adlı çocuklarına nafaka takdiri Hâkim, Hasan Ağa b. Mirza’nın Ahmed ve Rukiye nâm sagīreyninin nafaka, kisve ve sâir havâic-i zarûriyyeleri için medîne-i mahmiye-i Kostantıniyye mahallâtından Balaban Ağa mahallesinde sâkine olan Fâtıma bt. Mehmed Efendi nâm mutallaka annesi ve hâdinesinin talebiyle, zeylde mezkûr târihden i‘tibâren mezbûr babaları üzerine, her birine sekiz akçe olmak üzre yevmî râyicü’l-vakt on altı akçe farz ve takdîr etti ve meblağ-ı mefrûz-i mezbûru sagīreyn-i mezkûreynin havâic-i lâzımesine sarf etmesine ve vakt-i hâcette istidâne edip lede’z-zafer mezbûr Hasan Ağa’ya rücû‘ etmesine mezbûre Fâtıma hâtuna izin verdi. Cerâ zâlike ve hurrire fi’l-yevmi’t-tâsi‘ ve’l-ışrîn min Cumâdelâhire sene seb‘a ve seb‘în ve elf. Şuhûdü’l-hâl: Ali Beşe b. er-Râcil, Şaban Çavuş, Abdi Çelebi b. Hüseyin, Şükrullah Bey b. Mustafa, Veli b. Mahmud, Hüseyin b. Ebûbekir, Mehmed b. Mustafa.