Eyüb Mahkemesi (Havass-ı Refia) 74 Numaralı Sicil (H. 1072 - 1073 / M. 1661 - 1662) cilt: 28, sayfa: 341 Hüküm no: 353 Orijinal metin no: [78a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Simo v. Yani’nin mirasının vârislerine paylaştırılması Mahmiye-i İstanbul’da Altımermer semtinde Seyyid Ömer mahallesinde sâkin iken mürd olan Simo v. Yani nâm zimmînin Hâslar kazâsında Yenikapı hâricinde olan bakkal dükkânındaki nakid sermâyesidir ki hâlik-i merkūmun verâseti zevcesi Perpiye bt. ( ) nâm nasrâniye ile sulbî sagīr oğlu İspandoni ve zevcesi merkūmenin hâlik-i mezbûrdan olan hamli beyninde bi’l-farîzati’ş-şer‘iyye tevzî‘ ve taksîm olunmuşdur. Fî gurreti Zilhicceti’l-harâm sene 1072. Hâlik mezbûrun dükkân-ı merkūmda destgâhdârı Anastaş zimmetinde olan sermâyesi Meblağ 20.000 Minhâ Resm-i kısmet ve kalemiyye ve ihzâriyye ve hüddâmiyye Meblağ 500 Sahhe’l-bâkī. 19.500 Hissetü’z-zevceti’l-merkūme 2437 akçe Hissetü’l-ibni’l-merkūme 8532 akçe Hissetü’l-hamli’l-mersûme 8532 akçe Kavl-i mu‘teber ve müftâ-bih üzre haml için ibn-i vâhid hissesi alıkonulmuşdur.