Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 310 Hüküm no: 348 Orijinal metin no: [46b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Âmine bt. Abdullah’ın ev eşyalarını kocası İsa b. Abdullah’a hibe ettiği Mahmiye-i İstanbul’da Kabasakal Sinan mahallesinde sâkine Âmine bt. Abdullah nâm hâtun tarafından husûs-ı âti’l-beyâna vekîl olup mezbûrenin zâtını ma‘rifet-i şer‘iyye ile ârifân olan Mehmed Efendi b. Ahmed ve el-Hâc Bayram b. ( ) nâm kimesneler şehâdetleriyle şer‘an vekâleti sâbite olan kazzâz Yusuf Çelebi b. Abdullah nâm kimesne meclis-i şer‘-i şerîf-i Ahmedî ve mahfil-i dîn-i münîf-i Muhammedî’de müvekkile-i mezbûrenin zevci bâ‘isü’l-kitâb İsa b. Abdullah nâm kimesne mahzarında bi’l-vekâle ikrâr ve takrîr-i kelâm edip müvekkilem mezbûre Âmine mülk eşyâsından bir beledî döşek ve bir minder ve iki yemeni yorgan ve bir kırmızı kilim ve iki tencere ve üç sahan ve beş top keten bezi ve iki kaftan ve iki zıbın ve bir entarisini mezbûr İsa’ya hibe-i sahîha-i şer‘iyye ile hibe ve teslîm edip sâkin olduğu menzil içinde her ne var ise zevci mezbûr İsa’nındır müvekkil-i mezbûrenin üzerinde lâbise olduğu libâsından gayrı bir şeyi yokdur dedikde mezbûr İsa dahi hibe-i mezbûreyi meclis-i hibede ittihâb ve kabûl ve kabz ve tesellüm eyledi dedikde gıbbe’t-tasdîki’ş-şer‘î mâ vaka‘a bi’l-ibtigā ketb olundu. Fî gurreti Recebi’l-mürecceb li sene seb‘a ve seb‘în ve elf. Şuhûdü’l-hâl: Kenan Bey b. Abdullah, Abdi Çelebi el-Müezzin, Mustafa Hoca el-Müezzin, Abdullah Efendi el-Müezzin ve gayruhüm.