Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 310 Hüküm no: 349 Orijinal metin no: [46b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Âmine bt. Bilâl’in boşandığı kocası Mustafa b. Ahmed’deki mehir alacağını tahsil ettiği Mahrûse-i Galata müzâfâtından kasaba-i Tophâne’de Mehmed Ağa mahallesinde sâkine Âmine bt. Bilâl nâm hâtun meclis-i şer‘-i hatîr-i lâzımü’t-tevkīrde zevc-i mutallıkı işbu bâ‘isü’l-kitâb Mustafa b. Ahmed nâm kimesne mahzarında ikrâr ve takrîr-i kelâm edip mezbûr Mustafa beni bâyinen tatlîk etmeğin zimmetinde mütekarrir ve ma‘kūdun-aleyh olan bin akçe mehr-i müeccelimi mezbûr Mustafa yedinden tamâmen ahz u kabz edip zevciyyete ve gayra müte‘allika da‘vâdan her birimiz âharın zimmetini ibrâ ve iskāt eyledik dedikde gıbbe’t-tasdîk mâ vaka‘a bi’t-taleb ketb olundu. Fi’l-yevmi’s-sânî min Recebi’l-ferd li sene seb‘a ve seb‘în ve elf. Şuhûdü’l-hâl: Şükrullah Bey, Abdi Çelebi, İbrahim Çelebi, Baba Resul.