Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 314 Hüküm no: 353 Orijinal metin no: [47b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Süleyman Çelebi b. Mehmed’in Halil’e borçlu olduğu Mahmiye-i İstanbul’da Ali Fakīh mahallesinde sâkin Süleyman Çelebi b. Mehmed meclis-i şer‘de bundan akdem mahalle-i mezbûre sâkinelerinden olup vefât eden Sâliha bt. İsmail nâm hâtunun sadrî sagīr oğlu Halil’in babası ve velîsi işbu bâ‘isü’l-kitâb Mustafa b. Emrullah mahzarında ikrâr ve takrîr-i kelâm edip sagīr-i mezbûr malından elli kıt‘a esedî guruş asl-ı mâl ve onu on bir buçuk hesâbı üzre târih-i kitâbdan üç yüz altmış gün tamâmına dek üzerime devr-i şer‘î ile ilzâm ribh olunan yedi buçuk esedî guruş ki cem‘an elli yedi buçuk esedî guruş zimmetimde vâcibü’l-edâ ve lâzımü’l-kazâ deynimdir dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sânî min Recebi’l-ferd li sene seb‘a ve seb‘în ve elf. Şuhûdü’l-hâl: Hasan Çelebi b. Mehmed, Abdi Çelebi b. Hüseyin, Mustafa Çelebi b. Ahmed, Şükrullah b. Mustafa, Baba Resul b. Rıdvan.