Eyüb Mahkemesi (Havass-ı Refia) 82 Numaralı Sicil (H. 1081 / M. 1670 - 1671) cilt: 29, sayfa: 41 Hüküm no: 5 Orijinal metin no: [2b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Nika v. Kirkor’un mirası üzerindeki haksız iktisabın men‘i Mahmiye-i İstanbul hısnı ebvâbından Topkapısı hâricinde Bostancı Nika v. Kirkor v. Nika nâm zimmî-i şâbb-ı emred mahfil-i kazâda hâlâ Haslar Subaşısı olup ol etrâf beytülmâlini ahza gümrük emîni kıbelinden me’zûn olan Mehmed Bey b. Hasan mahzarında üzerine takrîr- da‘vâ [kılıp] babam olup bostan-ı mezbûra nice zamân benim ile ma‘an bostancılık ederken mürd olan merkūm Kirkor bilâ vâris mürd olmuşdur deyû metrûkâtına vaz‘-ı yed eder, suâl olunup men‘ ve def‘ olunmak matlûbumdur deyicek gıbbe’s-suâl mezbûr Mehmed müdde‘î-i mezbûr hâlik-i merkūmun oğlu idiği ma‘lûmum değildir deyû inkâr edicek müdde‘î-i mezbûrdan müdde‘âsını mübeyyine beyyine taleb olundukda Topkapısı hâricinde Merkezefendi mahallesinde sâkin İbrahim b. Abdullah ve dâhil-i bâb-ı mezbûrdan Sultan mahallesinde sâkin Hasan Beşe b. Mustafa li ecli’ş-şehâde makām-ı kazâya hâzırân olup istişhâd olunduklarında hâlik-i merkūm Kirkor müdde‘î-i mersûm Nika için bir nice zamândan beri sulbî oğlumdur, ol dahi ona babamdır ahadühümâ âharı tasdîk ve ikrâr-ı mezkûr üzre hasran mürd oldu. Biz bu husûsa şâhidleriz, şehâdet dahi ederiz deyû her biri edâ-yı şehâdet-i şer‘iyye eylediklerinde gıbbe’t-ta‘dîl ve’t-tezkiye şehâdetleri makbûle olmağın merkūm Mehmed Bey mesfûr Nika’ya bî-vech ta‘arruzdan men‘ birle kayd şud… Fî 10 min Şa‘bân sene 1081. Şuhûdü’l-hâl: Mehmed b. Mahmud, Mehmed b. Eyüb, Dilaver Bey el-muhzır, Hüseyin Hasan, Eyüb Efendi.