Eyüb Mahkemesi (Havass-ı Refia) 82 Numaralı Sicil (H. 1081 / M. 1670 - 1671) cilt: 29, sayfa: 42 Hüküm no: 7 Orijinal metin no: [3a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sahipsiz iki su sığırının beslenmesi Suyolcu karyeleri zâbiti olan fahrü’l-akrân Ömer Bey b. İbrahim meclis-i şer‘de takrîr-i kelâm ve bast-ı merâm edip işbu târih-i kitâb günü Bendenoz nâm karyede yava olmak üzre iki re’s su sığırı ahz eylemişdir. Hâlâ sâhibi zuhûr etmemekle sâhibi zuhûr edince kıbel-i şer‘den kadr-i ma‘rûf nafaka farz ve takdîr olunmak matlûbumdur dedikde hâkim-i muvakki‘-i sadr-ı kitâb -tûbâ lehû ve hüsnü me’âb- hazretleri beher yevm on ikişer akçeden cem‘an yirmi dört akçe nafaka farz ve takdîr edip meblağ-ı mezbûru zikr olunan sığırların nafaka ve kisvelerine harc ve sarfa merkūm Ömer Bey’e izin verilmeğin kayd şud. Gurre-i Receb 1081. Şuhûdü’l-hâl: Hüseyin Çelebi b. Ali, Mehmed b. Eyüb, Mehmed b. Mahmud, Hasan b. Abdullah.