Eyüb Mahkemesi (Havass-ı Refia) 82 Numaralı Sicil (H. 1081 / M. 1670 - 1671) cilt: 29, sayfa: 42 Hüküm no: 8 Orijinal metin no: [3a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Muhallefâttan doğan bir alacağın tahsili Fi’l-asl cezîre-i Mora’da Kalavrite kazâsına tâbi‘ Sodene nâm karyeden olup bundan akdem diyâr-ı Mısr-ı Kahire’de mürd olan Andriye v. Yani nâm zimmînin li ebeveyn karındaşı ve hasran vârisi İstati v. Yani nâm zimmî meclis-i şer‘-i hatîrde işbu bâ‘isiyyü’l-vesîka Todor v. İspilyot ve Yorgo v. Panayot nâm zimmîler muvâcehesinde ikrâr ve takrîr-i kelâm edip karındaşım hâlik-i mezbûrun metrûkâtını vâzı‘ü’l-yedi olanlardan taleb ve da‘vâ ve ahz [u] kabz ve bana îsâle mukaddemâ mezbûrân Todori ve Yorgo’yu tarafımdan vekîl ve nâib-i menâb nasb ve ta‘yîn eyledim. Merkūmân dahi varıp bi’l-vekâle vâzı‘ü’l-yedi olanlardan da‘vâ edip ancak iki yüz doksan altı kıt‘a esedî guruş tahsîl ve kabz edip bi’t-tamâm ve’l-kemâl meblağ-ı mezbûru bana def‘ ve teslîm eylediklerinde ben dahi alıp kabz edip zimmetlerini zikr olunan iki yüz doksan altı guruşdan bir akçe ve bir habbe bâkī kalmadı dedikde gıbbe’t-tasdîk kayd şud. Fî 11 min Şa‘bân sene 1081. Şuhûdü’l-hâl: Mehmed Eyüb, Mehmed Mahmud, Hasan Abdullah, Ali Abdullah, Panayot v. Yani, Aleksi v. Garihi, Yani v. Yorgo.