Eyüb Mahkemesi (Havass-ı Refia) 82 Numaralı Sicil (H. 1081 / M. 1670 - 1671) cilt: 29, sayfa: 50 Hüküm no: 20 Orijinal metin no: [5b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Terkos’tan Hamza b. Ali’nin alacak davasında beyyineden aczi Havâss-ı Aliyye kazâsı a‘mâlinden Terkos nâhiyesine tâbi‘ Yaylacık nâm karyede ahâlîsinden Hamza b. Ali meclis-i şer‘de râfi‘ü’r-rakīm Kobol v. Velfo ve Viladi v. Todori nâm zimmîler muvâcehelerinde üzerlerine takrîr-i da‘vâ edip mezbûrân Kobol ve Viladi’ye târih-i kitâbdan iki sene mukaddem karye-i mezbûrda vâki‘ yirmi iki kıt‘a esedî guruş ikrâz ve teslîm onlar dahi istikrâz ve tesellüm eylemişler idi. Hâlâ suâl olunup alıverilmesi murâdımdır dedikde gıbbe’s-suâl ve akībe’l-inkâr müdde‘î-i mezbûrdan müdde‘âsını mübeyyine beyyine taleb olundukda ityân-ı beyyine için bi’d-defâ‘at istimhâl etmekle on beş gün mehl-i şer‘î verilip müddet-i mezkûre mürûrunda ityân-ı beyyineden âciz ve kâsır olup yemîn dahi vermemeğin mâ vaka‘a kayd şud. Fî 21 Şa‘bân sene [10]81. Şuhûdü’l-hâl: Hasan [b.] Ali, Mehmed b. Eyüb, Hüseyin b. Abd[ullah].