Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 318 Hüküm no: 359 Orijinal metin no: [49a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Abdülkerim’in, kızı Afife’ye vasî tayini Mahmiye-i İstanbul’da Kürkçübaşı mahallesinde sâkin iken bundan akdem vefât eden Abdülkerim b. ( ) sulbiye sagīre kızı Afîfe’nin tesviye-i umûru için kıbel-i şer‘-i şerîfden bir vasî nasb ve ta‘yîn olunmak lâzım ve mühim olmağın hâkim-i muvakki‘-i sadr-ı kitâb -tûbâ-leh hüsnü me’âb hazretleri vesâyete ehil olan işbu bâ‘isü’l-kitâb Mehmed b. Hüseyin sagīre-i mezbûrenin tesviye-i umûru için vasî nasb ve ta‘yîn eyledikde ol dahi vesâyet-i mezbûreyi kabûl ve merâsimini edâya müte‘ahhid olmağın mâ vaka‘a bi’t-taleb ketb olundu. Fî gurreti Recebi’l-ferd li sene seb‘a ve seb‘în ve elf min hicreti men lehü’ş-şeref. Şuhûdü’l-hâl: Mehmed b. Mustafa, Mustafa b. Mehmed, Mustafa b. Ahmed, Mustafa b. Mehmed, Mehmed b. Mustafa ve gayruhüm.