Eyüb Mahkemesi (Havass-ı Refia) 82 Numaralı Sicil (H. 1081 / M. 1670 - 1671) cilt: 29, sayfa: 52 Hüküm no: 23 Orijinal metin no: [6a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Şaban b. İbrahim’in haksız miras talebinin reddi Ebâ Eyyûb el-Ensârî’de el-Hâc Hüsrev mahallesinde sâkin Şaban b. İbrahim nâm kimesne mahfil-i kazâda li ebeveyn ammesi kızı sâhibetü’l-kitâb Fâtıma bt. Ali nâm hâtun mahzarında üzerine takrîr-i da‘vâ edip mezbûre Fâtıma’nın vâlidesi olup bundan akdem fevt olan Ümmühâni benim babam İbrahim’in li eb er karındaşı iken fevt olmağla kızı mezbûre Fâtıma ile mecmû‘ muhallefâtına vaz‘-ı yed edip benim hissemi teslîmden imtinâ‘ eder suâl olunsun deyicek gıbbe’s-suâl mezbûr Fâtıma cevâbında vâlidem mezbûre fevt oldu, zevci babam Ali Bey’i ve beni ve âhar kızı Ayşe’yi ve sadrî oğulları Kasım ve Abdullah ve Hasan’ı terk edip mezbûrûn Kasım ve Abdullah ve Hasan müte‘âkiben fevt olup babaları mezbûr Ali Bey’i terk etmişlerdir deyicek isre’l-istintâk merkūm Şaban hâl minvâl-i muharrer üzre olup ve ile’l-ân babaları merkūm Ali Bey hayâtta idiği ikrâr etmeğin bana hayâtında ve karındaşlara ondan mâ‘adâ merkūm Şaban’a bir nesne isâbet etmemeğin ta‘arruzdan men‘ birle kayd şud. Fî 22 min Şa‘bân sene 1081. Şuhûdü’l-hâl: Hasan b. Ali, Ali b. Abdullah, Dilaver el-muhzır, Mehmed el-muhzır, Hüseyin b. Hasan.