Eyüb Mahkemesi (Havass-ı Refia) 82 Numaralı Sicil (H. 1081 / M. 1670 - 1671) cilt: 29, sayfa: 57 Hüküm no: 30 Orijinal metin no: [7b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Seydî Beşe b. Yusuf’un Yani v. Şiro’ya keçi satışından doğan alacağı Medîne-i Hazret-i Ebâ Eyyûb’de yoğurtçu tâifesinden işbu bâ‘isü’l-vesîka Seydî Beşe b. Yusuf nâm kimesne meclis-i şer‘de Yani v. Şiro nâm zimmî muvâcehesinde üzerine takrîr-i da‘vâ edip bundan akdem beher re’si yüz otuz akçeye olmak üzre yedimden müşterâ ve makbûz yüz seksen …? keçi bahâsından mezbûr Yani zimmetinde cem‘an yirmi üç bin akçe hakkım olup hâlâ taleb eylediğimde …? imtinâ‘ eder suâl olunup alıverilmesi murâdımdır dedikde gıbbe’s-suâl mezbûr Yani cevâbında fi’l-vâki‘ müdde‘î-i mezbûr Seydî Beşe’ye beher re’si yüz otuz akçe olmak üzre yedinden iştirâ ve kabz eylediğim yüz seksen re’s keçi bahasından ile’l-ân zimmetimde cem‘an yirmi üç bin akçe lâzımü’l-edâ deynim vardır deyû bi tav‘ihî ikrâr ve i‘tirâf etmeğin alâ mûceb-i i‘tirâfihî meblağ-ı mârrü’z-zikr yirmi üç bin akçeyi müdde‘î-i mezbûr Seydî Beşe’ye edâ ve teslîm ile mezbûr Yani ilzâm olunup mâ hüve’l-vâki‘ bi’t-taleb ketb olundu. Fî 21 min Şa‘bân sene 1081. Şuhûdü’l-hâl: Mustafa Çelebi b. Kulu, Mehmed Beşe b. Ali, Süleyman Beşe b. Ali, Ahmed Beşe b. Mehmed.