Eyüb Mahkemesi (Havass-ı Refia) 82 Numaralı Sicil (H. 1081 / M. 1670 - 1671) cilt: 29, sayfa: 57 Hüküm no: 31 Orijinal metin no: [7b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yani v. Şiro’nun keçi alımından doğan borcunu Süleyman Beşe ile Mustafa Çelebi b. Kulu’ya ödemesi Yoğurtçu tâifesinden işbu râfi‘ü’l-vesîka Süleyman Beşe b. Ali ve Mustafa Çelebi b. Kulu [mahfil-i] kazâda Yani v. Franko zimmetinde aded ve rü’ûsu ve esmânı beynimizde ma‘lûm keçi bahasından iki yüz otuz sekiz buçuk kıt‘a esedî guruş hakkım olup zikr olunan iki yüz otuz sekiz buçuk (…) mezbûr Yani v. Şiro bundan akdem emr-i kabûlü hâviye kefâletle kefîl ve zâmin olup …? buçuk esedî guruşu kefîl-i merkūm ile medyûn-ı mersûm yedlerinden alıp kabz edip iki yüz otuz sekiz esedîyi dahi kefîl-i mezbûrdan taleb eylediğimizde edâdan imtinâ‘ eder …? alıverilmesi murâdımızdır dediklerinde gıbbe’s-suâl ve akībe’l-inkâr müdde‘iyân-ı mezbûrân Süleyman …? Beşe ve Mustafa Çelebi’den müdde‘âlarını mübeyyine beyyine taleb olundukda udûl-i ricâlden Üstâd Mehmed Çelebi b. İbrahim el-Hallâk ve Şerbetçi Ali Beşe b. Hüseyin li ecli’ş-şehâde makām-ı kazâya hâzırân olup istişhâd olunduklarında fi’l-hakīka müdde‘iyân-ı mezbûrân Süleyman Beşe ve Mustafa Çelebi’nin gāib-i mezbûr Yani v. Frenko zimmetinde olan iki yüz otuz sekiz buçuk kıt‘a esedî guruşlarına mersûm Yani v. Şiro bizim huzûrumuzda kefîl ve zâmin oldu biz bu husûsa şâhidleriz deyû her biri edâ-yı şer‘iyye eylediklerinde ba‘de’t-ta‘dîl ve’t-tezkiye şehâdetleri makbûle olup mûcebiyle bâkī sekiz kıt‘a esedî guruşu müdde‘iyân-ı mezbûrân Süleyman Beşe ve Mustafa Çelebi’ye edâ ve teslîme kefîl-i merkūm Yani v. Şiro’ya tenbîh. Fî 20 min Şa‘bân sene 1081. Şuhûdü’l-hâl: Mehmed Beşe b. Ali, Muharrir-i madde Eyüb Çelebi, Ahmed b. Mehmed Kulu Dede