Eyüb Mahkemesi (Havass-ı Refia) 82 Numaralı Sicil (H. 1081 / M. 1670 - 1671) cilt: 29, sayfa: 64 Hüküm no: 39 Orijinal metin no: [9b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Bergoslu İrine’nin, Aroyana’dan iddia ettiği miras talebinin reddi Havâss-ı Aliye kazâsı a‘mâlinden Bergos nâm karyede mütemekkin İrine bt. Kosta nâm nasrâniye mahfil-i kazâda, karye-i mezbûrede sâkin iken bundan akdem mürd olan Yorgo nâm zimmînin sulbiye kebîre kızı ve hasran vârisesi bâ‘isetü’l-kitâb Aroyana bt. Yorgo nâm nasrâniye muvâcehesinde üzerine takrîr-i da‘vâ edip mezbûre Aroyana’nın babası hâlik-i merkūm Yorgo bundan akdem sâhib-i firâş iken bana gel hizmet eyle bu marazdan ifâkat bulduğumda seni tezevvüc eyleyeyim demekle merkūm Yorgo menziline gelip bir ay hizmet eyledim hâlen mürd olmağla kızı mersûme Aroyana mecmû‘ metrûkâtını zabt edip bana hisse-i şer‘iyyeyi teslîmden ta‘allül eder deyicek merkūme İrine’ye hâlik-i merkūm nikâh etmediği kendi ikrârıyla müte‘ayyin olmağın kızı mezbûre Aroyana’ya suâl dahi vârid olamayıp mezbûre İrine mesfûre Aroyana’dan hisse talebinden men‘ birle kayd şud. Fî 28 min Şa‘bân sene 1081. Şuhûdü’l-hâl: Hüseyin b. Ali, Dilaver, Mehmed b. Mahmud, Hüseyin b. Hasan, Hasan b. Hüseyin.