|
Eyüb Mahkemesi (Havass-ı Refia) 82 Numaralı Sicil (H. 1081 / M. 1670 - 1671) cilt: 29, sayfa: 80 Hüküm no: 66 Orijinal metin no: [14b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Rus asıllı Saliha isimli bir câriyenin âzat edildiği
Havâss-ı Aliyye kazâsı a‘mâlinden kasaba-i Hasköy mahallâtından Sütlüce mahallesinde sâkine Emine bt. Abdullah nâm hâtun meclis-i şer‘de bundan akdem fevt olan sadrî kebîr oğlu İbrahim Çelebi b. el-Hâc Hüseyin’e rıkk-ı sâbıkını mu‘terife işbu uzun boylu, açık kaşlı, elâ gözlü Rûsiyyetü’l-asl Saliha bt. Abdullah mahzarında ikrâr ve takrîr-i kelâm edip oğlum, müteveffâ-yı mezbûr câriye-i memlûkesi mevsûfe-i mezkûreyi bundan akdem hâl-i hayâtında ve kemâl-i akl-ı sıhhatinde hasbeten lillâhi te‘âlâ i‘tâk ve tahrîr ve sâir ahrâr-ı asliyyîne idrâc ve ilhâk etmişdi el-hâletü hâzihî oğlum müteveffâ-yı mezbûrun verâseti bana münhasır olmağın ıtk-ı mezkûru tecvîz eyledim mevsûfe-i mezbûrede alâka ve medhalim yoktur dedikde vâki‘ hâl bi’t-taleb ketb olundu. Fî 15 min Ramazân sene 1081.
Şuhûdü’l-hâl: Mehmed Çelebi b. Ahmed el-Müezzin, Süleyman Efendi [b.] Mehmed, Hasan Beşe b. Mehmed, Mehmed Çelebi b. Osman, Ali Kapıcı, Mehmed Efendi el-Hatîb.
|