|
Eyüb Mahkemesi (Havass-ı Refia) 82 Numaralı Sicil (H. 1081 / M. 1670 - 1671) cilt: 29, sayfa: 84 Hüküm no: 72 Orijinal metin no: [15b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Priştine’nin Hocista Köyü zimmîlerine ait vergilerin muhasebesi
Vilâyet-i Rumeli’de Priştine kazâsına tâbi‘ Hocista nâm karye sükkânından Koçi v. Palu ve Ketyo v. Kalasi, Semmur v. Kolo ve Milo v. Koli ve Lestane v. Leho ve Dimo v. Dimo ve Duce ve sâirleri meclis-i şer‘de yine karye-i mezbûre zimmîlerinden işbu hâmilü’s-sifr Petro v. Dimo nâm zimmî muvâcehesinde her biri ikrâr ve takrîr-i kelâm edip mezbûr Petro taraf-ı Saltanat-ı aliyyeden karye-i mezbûre zimmîler üzerine vârid olan tekâlîf-i şâkka ve sâir tekâlîfi rızâmız ile cem‘ ve tahsîl ve mahalline teslîm için kabz olunup ve vâki‘ olan tekâlîfi minvâl-i muharrer üzre cem‘ ve tahsîl ve mahalline teslîm etmişdir. El-hâletü hâzihî merkūm Petro’nun kabz-ı mal olduğu üç senenin muhâsebesini görüp zimmetinde beş bin akçe hakkımız zuhûr etmeğin zikr olunan beş bin akçeyi merkūm Petro yedinden tamâmen alıp kabz edip husûs-ı mezbûra müte‘allika âmme-i de‘âvî ve mütâlebâtdan mesfûr Petro’nun zimmetini ibrâ eyledik dediklerinde gıbbe’t-tasdîki’l-mu‘teber mâ vaka‘a kayd şud. Fî 20 min Ramazân sene 1081.
Şuhûdü’l-hâl: Hasan Çelebi b. İskender, Mustafa Bey b. Abdullah, Ali Bey b. Hasan, Kurd v. Nikola, İsteyko v. Yuvani, Kirko v. Dimo
|