Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 322 Hüküm no: 365 Orijinal metin no: [50a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Ali Beşe b. Abdullah’ın çocuklarına vasî olan Sâliha bt. Abdullah’a Mustafa Çelebi b. Mehmed’in nâzır tayin edildiği Mahrûse-i Galata’ya tâbi‘ kasaba-i Fındıklı’da Selime Hâtun mahallesinde sâkin iken bundan akdem vefât eden Ali Beşe b. Abdullah’ın evlâd-ı sıgārı Ahmed ve Mahmud ve Mustafa’nın vâlideleri ve vasiyy-i muhtârları olan Sâliha bt. Abdullah nâm hâtunun üzerine bir nâzır nasb ve ta‘yîn olunmak ehem ve elzem ve işbu bâ‘is-i hâze’l-kitâb Mustafa Çelebi b. Mehmed her vechile nezârete ehil ve müstakīm olmağın mezbûr Mustafa Çelebi merkūme Sâliha üzerine taraf-ı şer‘den nâzır nasb ve ta‘yîn olunup ol dahi nezâret-i mezbûreyi kabûl ve merâsimini edâya müte‘ahhid olmağın mâ vaka‘a bi’t-taleb ketb olundu. Fî gurreti Recebi’l-ferd li sene seb‘a ve seb‘în ve elf. Şuhûdü’l-hâl: Mehmed Çavuş b. Mustafa el-Mübâşir, İdris Çavuş b. Mustafa, Şaban Ağa b. Mustafa, Cafer Beşe b. Abdullah, Mustafa b. Oruc, Mehmed Çelebi b. Abdullah Kethüdâ-yı muhzırân.