.:: İstanbul Kadı Sicilleri ::.


Eyüb Mahkemesi (Havass-ı Refia) 82 Numaralı Sicil (H. 1081 / M. 1670 - 1671)
cilt: 29, sayfa: 95
Hüküm no: 90
Orijinal metin no: [19a-1]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Mehmed Sıdkı Çelebi’nin Yusuf b. Abdullah’a arsa satışı

Eyüb’de Emir Buhârî mahallesinde sâkin Mehmed Sıdkı Çelebi b. Mehmed meclis-i şer‘-i hatîr-i lâzımü’t-tevkīrde işbu râkımü’l-kitâb Yusuf b. Abdullah mahzarında ikrâr ve i‘tirâf edip akd-i âti’z-zikrin sudûruna değin silk-i mülk-i sahîhimde münselik emlâkimden mahalle-i mezbûrede vâki‘ iki tarafı Mehmed Efendi bahçesi ve bir tarafı Usûli Hâtun Vakfı ve bir tarafı mekābir-i müslimîn ile mahdûd tûlen on altı, arzan dokuz bi hesâb-ı satrancî yüz elli bir zirâ‘ mülk-i mevrûs arsamı eşcâr-ı müsmire ve gayr-ı müsmire ve sâir tevâbi‘ ve levâhıkı ile mezbûr Yusuf on esedî guruşa bey‘ edip ol dahi vech-i muharrer üzre iştirâ ve kabûl ve kabz eyledikden sonra semeni olan meblağ-ı mezbûr on esedî guruşu yedinden ahz u kabz eyledim min ba‘d alâka ve medhalim yoktur mezbûr Yusuf’un mülk-i müşterâsı olmuşdur Keyfe mâ yeşâ’ mutasarrıf olsun dedikde gıbbe’t-tasdîk mâ vaka‘a kayd şud. Fî 7 Şevvâl sene [10]81.


Şuhûdü’l-hâl: Mehmed Efendi el-İmâm, Mustafa Çelebi b. Efendi, Mustafa Çelebi b. Bâli, Hasan Dede b. Ömer, Mehmed Efendi.