.:: İstanbul Kadı Sicilleri ::.


Eyüb Mahkemesi (Havass-ı Refia) 82 Numaralı Sicil (H. 1081 / M. 1670 - 1671)
cilt: 29, sayfa: 99
Hüküm no: 96
Orijinal metin no: [20a-1]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Merhum Bektaş Efendi Vakfı’na vekâleten mütevelli tayini

Mahmiye-i İstanbul hısnı ebvâbından Ebâ Eyyûb el-Ensârî -aleyhi rahmeti’l-Bâri- kapısı hâricinde âsûde merhûm ve mağfûrun leh Bektaş Efendi Evkāfı’na mütevellî olan Mustafa Çelebi b. Ebû Bekir meclis-i şer‘de takrîr-i kelâm edip bi hasebi’l-iktizâ ben vilâyet-i Anadolu’da vâki‘ kasaba-i Kirmasti’ye hâlen teveccüh ve azîmet eylediğim ecilden mütevellîsi olduğum evkāf-ı mezbûre tevliyyetinde câbîlerin muhâsebesini görüp ve sâir umûr-ı tevliyyeti görüp gözetmek üzre işbu sâhibü’l-kitâb Mehmed Bey b. Abdülvehhâb nâm kimesneyi tarafımdan vekâlet-i mutlaka ile vekîl ve nâib-i menâb nasb ve ta‘yîn eyledim dedikde ol dahi vekâlet-i merkūmeyi kabûl ve hıdemât-ı lâzımesin edâya ta‘ahhüd ve iltizâm etmeğin mâ cerâ bi’l-ibtigā kayd şud. Fî 12 min Şevvâl sene [10]81.


Şuhûdü’l-hâl: Mustafa Çelebi b. Pervâne, Mustafa Çelebi b. İsmail, Eyüb Çelebi el-müsta‘id, Mehmed b. Eyüb, Mehmed b. Mahmud.