.:: İstanbul Kadı Sicilleri ::.


Eyüb Mahkemesi (Havass-ı Refia) 82 Numaralı Sicil (H. 1081 / M. 1670 - 1671)
cilt: 29, sayfa: 102
Hüküm no: 102
Orijinal metin no: [20b-3]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


İrine bt. Todor ile Miho v. Yani adlı iki gayr-i müslimin nikâhlanmaları

Havâss-ı Refî‘a kazâsına tâbi‘ Cühûd-ı Burgos nâm karyede sâkine İrine bt. Todor nâm nasrâniye tarafından tezvîc-i âti’l-beyâna vekîl olup mezbûrenin zâtını ma‘rifet-i şer‘iyye ile ârifân olan Nikolaki v. Andriye ve Aleksandra v. Yorgo nâm zimmîler şehâdetleriyle şer‘an vekâleti sâbite olan Miho v. Yani nâm zimmî meclis-i şer‘de işbu râfi‘ü’r-rakīm Yorgo v. Yani nâm zimmî muvâcehesinde ikrâr ve takrîr-i kelâm edip müvekkilem mezbûre İrine’yi beş yüz akçe mehr-i müeccel ve beynimizde ma‘lûm mu‘accel üzerine ve zeyl-i kitâbda muharrerü’l-esâmî şuhûd mahzarında vekâletim hasebiyle tezvîc ve’n-nikâh eylediğimde ol dahi kendi nefsi için tezevvüc ve kabûl eyledi deyicek vekîl-i mezbûru kelimât-ı muharreresinde merkūm Yorgo vicâhen tasdîk ve şifâhen tahkīk etmeğin mâ vaka‘a ketb olundu. Fî 12 min Şevvâl sene [10]81.


Şuhûdü’l-hâl: Mehmed b. Eyüb, Mehmed b. Mahmud, Huddâm, Hüseyin b. Ali, Hüseyin b. Abdullah ve gayruhüm.