.:: İstanbul Kadı Sicilleri ::.


Eyüb Mahkemesi (Havass-ı Refia) 82 Numaralı Sicil (H. 1081 / M. 1670 - 1671)
cilt: 29, sayfa: 104
Hüküm no: 106
Orijinal metin no: [21b-1]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Kurfa köylü Tanaş ve Dimitri kardeşlerin Dimitri v. Yorgi’ye bağ satışları

Havâss-ı aliyye kazâsına tâbi‘ Kurfa nâm karye ahâlîsinden olup Tanaş ve Dimitri v. Dodoş nâm zimmîler meclis-i şer‘-i hatîr-i lâzımü’t-tevkīrde işbu râfi‘ü’r-rakīm Dimitri v. Yorgi muvâcehesinde her biri ikrâr ve takrîr-i kelâm edip akd-i âti’z-zikrin sudûruna değin silk-i mülk-i sahîhimizde münselik emlâkimizden karye-i mezbûrede vâki‘ bir tarafı yine mezbûr Tanaş bağı ve bir tarafı İstati bağı ve bir tarafı Yani ve bir tarafı tarîk-i âm ile mahdûd tahmînen üç dönüm bir kıt‘a mülk-i mevrûs bağımızı cemî‘ tevâbi‘ ve levâhıkı ile mezbûr Dimitri’ye yüz beş kıt‘a esedî guruşa tarafeynden îcâb ve kabûlü hâvî bey‘-i bâtt-ı sahîh-i şer‘î ile bey‘ ve teslîm eylediğimizde ol dahi vech-i muharrer üzre iştirâ ve kabûl ve kabz eyledikden sonra semeni olan meblağ-ı mezbûr yüz beş kıt‘a esedî guruşu yedinden bi’t-tamâm ve’l-kemâl ahz u kabz eyledik zikr olunan bağda vechen mine’l-vücûh alâka ve medhalim yoktur mezbûr Dimitri’nin mülk-i müşterâsı olmuşdur keyfe yeşâ’ mutasarrıf olsun dediklerinde kayd şud. Fî 13 min Şevvâl sene [10]81.


Şuhûdü’l-hâl: Receb Beşe b. Abdullah, Mustafa Çelebi b. Abdullah, Hüseyin [b.] Ali, Hasan [b.] Abdullah, Yamandi v. Dimitri, Yani v. Dimitri, Yorgo v. Totoş.