|
Eyüb Mahkemesi (Havass-ı Refia) 82 Numaralı Sicil (H. 1081 / M. 1670 - 1671) cilt: 29, sayfa: 108 Hüküm no: 110 Orijinal metin no: [22a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Umumi vekâlet tevcihi
Havâss-ı Aliyye kazâsı a‘mâlinden Litros nâm karyede sâkin Dergo v. Angeli nâm zimmî meclis-i şer‘-i hatîr-i lâzımü’t-tevkīrde işbu hâmilü’l-kitâb Mehmed Çavuş b. Abdullah mahzarında ikrâr ve takrîr-i kelâm edip hadâik-i sultâniyede Davud Paşa bahçesine mevkūfe nükūddan her biri yedişer dirhem gelir yüz guruş deynimi edâya gāib ani’l-meclis Hasan Bey nâm bostânî ile olan da‘vâmı görüp eyâdi-i nâsda olan hukūkumu ahz u kabza ve bana îsâle ve âhar kimesneler ile olan da‘vâmı lede’l-hükkâmi’l-kirâm -yesserehumullâhü’l-Meliki’l-Allâm- mürâfa‘a ve muhâla‘a ve cevâb ve sâir umûrumun küllîsine mezbûr Mehmed Çavuş’u tarafımdan vekâlet-i mutlaka ile vekîl ve nâib-i menâb nasb ve ta‘yîn eyledim deyicek mezbûr Mehmed Çavuş dahi vekâlet-i mezbûreyi kabûl ve hıdemât-ı lâzımesini edâya ta‘ahhüd ve iltizâm etmeğin mâ cerâ kayd şud. Fî 14 [Şevvâl] sene [10]81.
Şuhûdü’l-hâl: Mustafa Efendi b. İsmail el-Müderris, Salih Mehmed Efendi el-Müderris, İsmail Efendi, Ali el-muhzır, Dilaver el-muhzır, Mehmed el-muhzır.
|