Eyüb Mahkemesi (Havass-ı Refia) 82 Numaralı Sicil (H. 1081 / M. 1670 - 1671) cilt: 29, sayfa: 119 Hüküm no: 127 Orijinal metin no: [25b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Todori v. Andriye’nin Aleksi v. Sava’daki alacağının tahsili için mahkemece tembih olunduğu Havâss-ı Aliyye kazâsı a‘mâlinden kasaba-i Çatalca mahallâtından Câmi‘-i kebîr mahallesi sâkinlerinden işbu râfi‘ü’r-rakīm Todori v. Andriye nâm zimmî meclis-i şer‘de Aleksi v. Sava nâm Nasrânî muvâcehesinde üzerine da‘vâ ve takrîr-i kelâm edip mezbûr Aleksi zimmetinde cihet-i karz-ı şer‘îden seksen iki kıt‘a esedî guruş hakkım olup taleb eylediğimde teslîmden imtinâ‘ eder suâl olunup alıverilmesi matlûbumdur dedikde gıbbe’s-suâl mezbûr Aleksi cevâbında fi’l-vâki‘ müdde‘î-i mezbûr Todori’ye zimmetimde cihet-i karz-ı şer‘îden seksen iki kıt‘a esedî guruş lâzımü’l-edâ ve vâcibü’l-kazâ deynim vardır deyû bi tav‘ihî ikrâr ve i‘tirâf etmeğin alâ mûcebi ikrârihî meblağ-ı mezbûru müdde‘î-i merkūma edâ ve teslîme mezbûr Aleksi’ye tenbîh olundu mâ vaka‘a kayd şud. Fî 20 min Şevvâl sene [10]81. Şuhûdü’l-hâl: Salih Efendi el-Müderris, Eyüb Çelebi b. el-Müderris, Mehmed Çelebi b. Mahmud, Hasan Hüseyin b. Mustafa ve gayruhüm.