Eyüb Mahkemesi (Havass-ı Refia) 82 Numaralı Sicil (H. 1081 / M. 1670 - 1671) cilt: 29, sayfa: 123 Hüküm no: 133 Orijinal metin no: [26b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Muammer b. Abdullah’ın Mehmed b. Habil’e peşin parayla ev satışı Sofular mahallesinde sâkine Muammer bt. Abdullah meclis-i şer‘de umdetü’l-kudât Mehmed Efendi b. Hâbil mahzarında ikrâr ve i‘tirâf edip akd-i âti’z-zikrin sudûruna değin silk-i mülk-i sahîhimde münselik emlâkimden mahalle-i mezbûrede vâki‘ bir tarafı mezbûre Mehmed Efendi mülkü ve bir tarafı Mehmed Çelebi mülkü ve bir tarafı Meryem Hâtun mülkü ve bir tarafı ba‘zan Fâtıma Hâtun mülkü ve bir tarafı tarîk-i hâs ile mahdûd bir bâb fevkānî ve bir bâb tahtânî odaları ve kenîfi müştemil mülk menzilimi cemî‘ tevâbi‘i ile mezbûr Mehmed Efendi’ye on bin fıddî râyic akçeye tarafeynden îcâb ve kabûlü hâvî bey‘-i bâtt-ı sahîh-i şer‘î ile bey‘ ve teslîm, ol dahi vech-i muharrer üzre iştirâ ve tesellüm kabûl ve kabz eyledikden sonra semeni olan meblağ-ı mezkûr on bin akçeyi yedinden bi’t-tamâm ahz u kabz eyledim min ba‘d menzil-i mahdûd-ı mezkûrda alâka ve medhalim yoktur mezbûr Mehmed Efendi’nin mülk-i müşterâsı olmuşdur Keyfe mâ yeşâ’ mutasarrıf olsun dedikde gıbbe’t-tasdîk mâ vaka‘a kayd şud. Fî 24 Şevvâl [10]81. Şuhûdü’l-hâl: Hüseyin Efendi b. Ali, İbrahim Efendi b. Resul, Hüseyin Çelebi b. Ali, Hüseyin b. Ali, Mustafa b. Bayram, Mehmed Beşe b. Hüseyin, es-Seyyid Ahmed Çelebi b. Nuh.