Eyüb Mahkemesi (Havass-ı Refia) 82 Numaralı Sicil (H. 1081 / M. 1670 - 1671) cilt: 29, sayfa: 124 Hüküm no: 134 Orijinal metin no: [26b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hüseyin Çelebi b. Said’in Muammer bt. Abdullah’a peşin parayla ev satışı Kiremitçi Süleyman mahallesinde sâkin Hüseyin Çelebi b. Ahmed meclis[-i münîf]de Muammer bt. Abdullah mahzarında ikrâr edip silk-i mülk-i sahîhimde münselik emlâkimden İslâmbey karyesinde vâki‘ [bir] tarafı Mustafa Çelebi ve bir tarafı İbrahim Çelebi mülkü ve bir tarafı [İslâm] Bey Vakfı ve bir tarafı tarîk-i hâs ile mahdûd bir bâb tahtânî oda ve sofa ve cüneyne ve kenîfi [müştemil] mülk menzilimi cemî‘ tevâbi‘i ile mezbûre Muammer Hâtun’a dört bin dört yüz kırk akçeye bey‘ ve teslîm, ol dahi minvâl-i muharrer üzre iştirâ ve kabûl-ı kabz eyledikden sonra semeni olan meblağ-ı mezbûr dört bin dört yüz kırk akçeyi yedinden bi’t-tamâm ve’l-kemâl ahz u kabz eyledim min ba‘d menzil-i mahdûd-ı mezkûrda alâkam yoktur mezbûre Muammer Hâtun’un mülk-i müşterâsı olmuşdur mâ vaka‘a kayd şud. Fî 24 Şevvâl [10]81. Şuhûdü’l-hâl: Sâbikūn