Eyüb Mahkemesi (Havass-ı Refia) 82 Numaralı Sicil (H. 1081 / M. 1670 - 1671) cilt: 29, sayfa: 124 Hüküm no: 135 Orijinal metin no: [26b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Rabia bt. Durmuş’un Ümmühâni bt. Ebi Talib’e yarım hisse oda satışı Medîne-i Ebâ Eyyûb’de Davud Ağa mahallesi sâkinelerinden olup sin ve cüssesinin bülûğa tahammülü olup elân bülûğuna mu‘terife olan Râbia bt. Durmuş nâm bikr-i bâliğayı meclis-i şer‘-i hatîrde halası işbu sâhibetü’l-kitâb Ümmühâni bt. Ebî Tâlib mahzarında ikrâr ve takrîr-i kelâm edip Davud Ağa Evkāfı’ndan icâre-i mu‘accele- ve müeccele-i ma‘lûmem ile yirmi akçe ücret-i müeccele ile benim hemşîrem Hatice bt. Durmuş nâm sagīrenin ale’l-iştirâki’s-seviy ilâ hâze’l-ân zabt ve taht-ı tasarrufumuzda olup mahalle-i mezbûrede vâki‘ lede’l-ahâlî ve’l-cîrân ma‘lûmü’l-hudûd bir bâb oda benim hissem olan nısf-ı şâyi‘ini iki bin …? râyicü’l-vakt akçe bedel mukābelesinde halam mezbûre Ümmühâni Hâtun’a mütevellî-i vakf-ı mezbûr ma‘rifetiyle tefvîz-i ferâğ edip ol dahi vech-i muharrer üzre tefevvuz ve kabûl edip bedel-i ferâğ olan mesfûrü’n-na‘t iki bin …? halam mezbûre Ümmühâni yedinden alıp kabz eyledim min ba‘d mârrü’z-zikr nısf odada alâka ve medhalim kalmadı dedikde kayd şud. Fî 28 min Şevvâl [10]81. Şuhûdü’l-hâl: Hüseyin Efendi b. Hasan, Mustafa Çelebi b. İsmail, Ali b. Mustafa, Dilaver el-muhzır, Mustafa b. Mehmed.