Eyüb Mahkemesi (Havass-ı Refia) 82 Numaralı Sicil (H. 1081 / M. 1670 - 1671) cilt: 29, sayfa: 127 Hüküm no: 139 Orijinal metin no: [27b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Rus asıllı Şaban adlı bir kölenin sözleşme (mükâtebe) ile âzat edilmesi Mehbitü’l-envâr, makarrü’l-ebrâr, belde-i mübâreke-i Hâlidiyye medîne-i Hazret-i Ebâ Eyyûb el-Ensârî -subbet alâ merkadihî sicâlü rahmeti Rabbihi’l-Bâ[rî’de]- Baba Haydar-ı Nakşibendi mahallesi sâkinlerinden fahrü’l-emâsil ve’l-akrân Mustafa Ağa b. Mehmed meclis-i şer‘de kendiye rıkkını mu‘terif orta boylu, açık kaşlı, gök elâ gözlü, sarışın, başının sağ tarafında eser-i cerhi olan Rûsiyyü’l-asl ve sâhibü’l-kitâb Şaban b. Abdullah nâm şâbb-ı emred mahzarında ikrâr ve i‘tirâf edip târih-i kitâbdan üç sene tamâmına değin bana istikāmet ve sadâkat üzre hizmet etmek üzre abd-i memlûküm mevsûf-ı mezkûr Şaban’ı kitâbete kat‘ eylediğimde ol dahi kabûl ve târih-i kitâbdan üç sene minvâl-i muharrer üzre bana hizmet etmeğe ta‘ahhüd ve iltizâm eyledi ba‘de edâi’l-hizmeti mevsûf-ı mezkûr malımdan âzâd olup sâir ahrâr-ı asliyyîn gibi hür olsun deyicek gıbbe’t-tasdîki’l-kabûl mâ cerâ bi’t-taleb ketb olundu. Fi’s-sâbi‘ ve’l-ışrîn min Şevvâl [10]81. Şuhûdü’l-hâl: Ali Bey b. Süleyman, Mustafa Halîfe b. Musa el-Müezzin, Derviş Çelebi b. Mehmed, Mehmed Çelebi b. Râh-ı âbî, Mustafa Çelebi b. Süleyman, Hüseyin Ağa b. Mehmed, Ahmed Beşe b. Mehmed, Salih Mehmed Efendi b. Mehmed, Mustafa Çelebi b. İsmail, Salih b. Mehmed el-Hallâk ve gayruhüm.