Eyüb Mahkemesi (Havass-ı Refia) 82 Numaralı Sicil (H. 1081 / M. 1670 - 1671) cilt: 29, sayfa: 131 Hüküm no: 146 Orijinal metin no: [28b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Emine bt. Derviş’in görümcesi Rabia bt. Abdullah ile arasındaki hakaret davası Medîne-i Hazret-i Ebâ Eyyûb el-Ensârî’de İslâmbey nâm mahallesinde sâkine Emine bt. Derviş nâm hâtun mahfil-i kazâda câr-ı mülâsıkı ve zevcinin hemşîresi Râbia bt. Abdullah mahzarında da‘vâ ve takrîr-i kelâm edip mezbûre Râbia câr-ı mülâsıkı olmağla dâimâ lisânıyla ezâ ve cefâdan hâlî olmayıp hattâ dünkü gün bi gayri hakkın bana kahbe, bre fâhişe br[e] kızlıksız deyû şetm etmeğin muhill-i âr lâhık olmağın suâl olunup mûcebi icrâ olunmak matlûbumdur dedikde gıbbe’s-suâl ve’l-inkâr müdde‘iye-i mezbûreden müdde‘âsını mübeyyine beyyine taleb olundukda udûl-i ricâlden mahalle-i mezbûre imâmı es-Seyyid Abdurrahman Efendi …? ve Mehmed b. Mahmud li ecli’ş-şehâde makām-ı kazâya hâzırân olup isre’l-istişhâd fi’l-hakīka mezbûre Râbia müdde‘iye-i mezbûreye dâimâ lisanıyla ezâ ve cefâdan hâlî olmayıp hattâ dünkü gün huzûrumuzda mezbûre Emine’ye br[e] kahbe ve fâhişe ve bre kızlıksız deyû şetm eylemişdir, biz bu husûs üzerine şâhidleriz, şehâdet dahi ederiz deyû her biri edâ-yı şehâdet-i şer‘iyye ettiklerinde ba‘de’t-ta‘dîl şehâdetleri makbûle olmağın mâ vaka‘a kayd. Fî 22 min Zilka‘de sene [10]81. Şuhûdü’l-hâl: Mustafa b. İsmail, Hüseyin b. Hüseyin, Mehmed b. Mahmud, Ali b. Abdullah.