Eyüb Mahkemesi (Havass-ı Refia) 82 Numaralı Sicil (H. 1081 / M. 1670 - 1671) cilt: 29, sayfa: 142 Hüküm no: 162 Orijinal metin no: [31a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Eleni bt. İstati ile İstoyan v. Dimitri’nin evlenmesi Medîne-i Hazret-i Ebâ Eyyûb el-Ensârî’de İslâmbey mahallesi sâkinelerinden Eleni bt. İstati nâm zimmî Nasrâniye meclis-i şer‘de râfi‘ü’r-rakīm İstoyan v. Dimitri zimmî muvâcehesinde ikrâr ve takrîr-i kelâm edip beynimizde ma‘lûm, mu‘accel ve bin fıddî râyic fi’l-vakt akçeye mehr-i müeccel ile nefsimi hâliyeten ani’l-mevânî‘ zeyl-i rakīmde muharrerü’l-esâmî şuhûd mahzarında mezbûr İstoyan’a tezvîc ve inkâh eyledim dedikde merkūm İstoyan dahi meclis-i merkūmede mezbûre Eleni’yi mehr-i mezkûr ile ben dahi nefsim için tezevvüc ve kabûl eyledim deyicek mâ vaka‘a kayd şud. Fî 13 min Zilka‘de sene [10]81. Şuhûdü’l-hâl: Muharrirü’l-hurûf Eyüb Efendi, huddâm.