Eyüb Mahkemesi (Havass-ı Refia) 82 Numaralı Sicil (H. 1081 / M. 1670 - 1671) cilt: 29, sayfa: 145 Hüküm no: 168 Orijinal metin no: [32a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Afife bt. Mustafa’nın evini Mehmed b. Osman’a satması Terkos’da Şamlar nâm karyede sâkine Afife bt. Mustafa nâm bikr-i bâliğa meclis-i şer‘de râfi‘ü’l-kitâb Mehmed b. Osman mahzarında bi tav‘ihâ ikrâr ve i‘tirâf edip akd-i âti’z-zikrin sudûruna değin silk-i mülk-i sahîhimde münselik emlâkimden karye-i mezbûrede vâki‘ bir tarafı …? mülkü ve bir tarafı Salih mülkü ve iki tarafı tarîk-i âm ile mahdûd bir bâb fevkānî oda ve ahır ve fırın ve bahçeyi müştemil mülk menzili mezbûr Mehmed’e altı bin fıddî râyic fi’l-vakt akçeye bey‘ ve teslîm ol dahi vech-i muharrer üzre iştirâ ve kabûl ve kabz eyledikden sonra semeni olan meblağ-ı mezbûr altı bin akçeyi yedinden ahz u kabz eyledim, min ba‘d menzil-i mezkûrda alâka ve medhalim yoktur mezbûr Mehmed Bey’in mülk-i müşterâsı olmuşdur Keyfe mâ yeşâ’ mutasarrıf olsun dedikde gıbbe’t-tasdîk [kayd şud]. Fî 18 min Zilka‘de sene [10]81. Şuhûdü’l-hâl: Sinan Halîfe el-İmâm, Hasan b. Mehmed, Hasan b. Kurd, Ali Beşe b. Hüseyin, İbrahim b. Hasan ve gayruhüm.