Eyüb Mahkemesi (Havass-ı Refia) 82 Numaralı Sicil (H. 1081 / M. 1670 - 1671) cilt: 29, sayfa: 164 Hüküm no: 197 Orijinal metin no: [37a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yani v. Rizo’nun bağını Daniel v. Nikola’ya sattığı Vilâyet-i Rumeli’nde Kerpiniş kazâsına tâbi‘ Mereş nâm karye ahâlîsinden Yani v. Rizo nâm zimmî meclis-i şer‘de râfi‘ü’r-rakīm Daniel v. Nikola nâm zimmî muvâcehesinde ikrâr ve takrîr-i kelâm edip akd-i âti’z-zikrin sudûruna değin silk-i mülk-i sahîhimde münselik emlâkimden karye-i mezbûrede vâki‘ bir tarafı müşterî-i mezbûr bağı ve bir tarafı Daniel bağı ve bir tarafı Rizo bağı ve bir tarafı tarîk-i âm ile mahdûd bir kıt‘a mülk bağımı cemî‘ tevâbi‘ ve levâhıkı ile mezbûr Daniel’e üç bin fıddî râyic fi’l-vakt akçeye bey‘-i bâtt-ı sahîh-i şer‘î ile bey‘ edip ol dahi minvâl-i muharrer üzre iştirâ ve kabûl eyledikden sonra semeni olan meblağ-ı mezbûr üç bin akçeyi yedinden bi’t-tamâm ve’l-kemâl ahz u kabz eyledim, zikr olunan bağı mahallinde zabt ve tasarrufa tarafımdan mezbûr Daniel’i taslît eyledim min ba‘d alâka ve medhalim yoktur mezbûrun mülk-i müşterâsı olmuşdur Keyfe mâ yeşâ’ mutasarrıf olsun dedikde gıbbe’t-tasdîk kayd şud. Fî 25 min Zilka‘de sene []1081. Şuhûdü’l-hâl: Hacı Ali b. Musa, Mustafa Beşe b. İbrahim, Ali Yazıcı, Hüseyin b. Hasan, Mehmed [b.] Eyüb, Hasan [b.] Abdullah, Dimitri v. Niko, Dimo v. Metofen, Franko v. Kres, Dimitri v. Niko, Yorgo v. Metik, Yorgo, Dimo.