Eyüb Mahkemesi (Havass-ı Refia) 82 Numaralı Sicil (H. 1081 / M. 1670 - 1671) cilt: 29, sayfa: 168 Hüküm no: 200 Orijinal metin no: [38a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mudârebe usulü ile Himmet Beşe’nin müştereken aldığı borcun üvey oğlu Mehmed Çelebi’de kalan kısmının mahkemece tescili Medîne-i Hazret-i Ebâ Eyyûb el-Ensârî -radiye anhu Rabbühü’l-Bârî-de Câmi‘-i kebîr mahallesinde sâkin işbu hâmilü’l-vesîka Himmet Beşe b. Mehmed meclis-i şer‘-i şerîfde üvey oğlu Mehmed Çelebi b. Ahmed mahzarında üzerine da‘vâ ve takrîr-i kelâm edip gāib ani’l-meclis Hasan Ağa nâm kimesneden bin yetmiş senesinde üvey oğlu mezbûr Mehmed Çelebi’yle ma‘an bi tarîki’l-mudârebe iki bin altı yüz kıt‘a esedî guruş alıp kabz edip ba‘dehû zikr olunan iki bin altı yüz esedî guruşun bin iki yüz yetmiş guruşunu üvey oğlum mezbûr Mehmed Çelebi yedine def‘ ve teslîm, ol dahi kabz ve tesellüm etmiş idi, el-hâletü hâzihî mezbûr Mehmed Çelebi’den suâl olunup ikrârı tahrîr olunmak matlûbumdur deyicek gıbbe’s-suâl mezbûr Mehmed Çelebi fi’l-hakīka târih-i mezbûrda müşârun-ileyh Hasan Ağa’dan üvey babam mezbûr Himmet Beşe ile bi tarîki’l-mudârebe ahz u kabz eylediğimiz iki bin altı yüz esedî guruşun bin iki yüz yetmiş iki guruşunu üvey babam mezbûr Himmet Beşe yedinden alıp kabz eyledim deyû bi tav‘ihî ikrâr ve i‘tirâf etmeğin mâ hüve’l-vâki‘ kayd şud. Fî 27 min Zilka‘de sene [10]81. Şuhûdü’l-hâl: Hüseyin Çelebi b. Hasan, Eyüb Çelebi b. Mehmed, Musa Çelebi el-Huddâm, Ahmed Beşe b. Ahmed Çukadâr, Mahmud b. Mehmed, Hasan b. Abdullah.