Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680) cilt: 31, sayfa: 81 Hüküm no: 22 Orijinal metin no: [5b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Dimo v. Yorgo’nun bostan yeri, bazı ağaç ve samanlığını Yorgo v. Yani’ye satması Vilâyet-i Rumeli’nde Çatalca kazâsına tâbi‘ Nuhur Kostrova nâm karyede sâkin Dimo v. Yorgo nâm zimmî meclis-i şer‘-i hatîr-i lâzımü’t-tevkīrde işbu râfi‘ü’r-rakīm Yorgo v. Yani nâm zimmî muvâcehesinde tâyi‘an ikrâr-ı tâm ve takrîr-i kelâm edip akd-i âtî sudûruna değin silk-i mülk ve zabt ve tasarrufumda olup karye-i mezbûrede vâki‘ üç tarafdan yine benim âhar mülküm ve bir tarafdan tarîk-i âm ile mahdûd bostan yerini ve iki dib güz ağacını hâvî ve bir samanlığımı merkūm Yorga’ya bin sekiz yüz akçeye tarafeynden îcâb ve kabûlü hâvî bey‘-i bâtt-ı sahîh-i şer‘î ile bey‘ edip ol dahi ber vech-i muharrer iştirâ ve kabûl eyleyip semeni olan meblağ-ı mastûr bin sekiz yüz akçeyi mersûm Yorga yedinden tamâmen ahz ve kabz eylediğimden sonra zikr olunan samanlığı mahallinde zabt ve tasarrufa mesfûr Yorgo’yu taslît eyledi dedikde gıbbe’t-tasdîki’ş-şer‘î kayd şüd. Sene 28 Cumâdelâhire sene 1090. Şuhûdü’l-hâl: Es-Sâbikūn.