Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680) cilt: 31, sayfa: 82 Hüküm no: 24 Orijinal metin no: [6a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hüseyin ve Hasan b. Mustafa’nın cariyeleri Tolika’yı azat etmesi Medîne-i Hazret-i Ebâ Eyyûb-i Ensârî -radiye anhu Rabbühü’l-Bârî- mahallâtından Nişancı Paşa mahallesi sükkânından Hüseyin ve Hasan ibney Mustafa nâm kimesneler meclis-i şer‘-i şerîf-i enverde kendilere rıkkını mu‘terife orta boylu, açık siyah kaşlı, siyah gözlü, Gürciyyetü’l-asl İseviyyü’l-mille râfi‘at-i hâze’l-vesîka Tolika nâm câriye-i memlûkemizi hasbeten lillâhi te‘âlâ cemî‘ malımızdan ifrâz ve i‘tâk ve tahrîr ve zümre-i harâir-i asliyyâta ilhâk ve idrâc eyledik ba‘de’l-yevm mevsûfe-i mersûme Tolika sâir harâir-i asliyyât gibi hür olup üzerinde hakk-ı velâdan gayrı hakkımız bâkī kalmadı dediklerinde mâ hüve’l-vâki‘ alâ hâze’l-minvâl ketb olundu. Fi’l-yevmi’s-sâdis ve’l-ışrîn min Cumâdelâhire sene [10]90. Şuhûdü’l-hâl: Es-Sâbikūn.