Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680) cilt: 31, sayfa: 91 Hüküm no: 37 Orijinal metin no: [8a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Evlice Baba Vakfı’na Osman Çelebi b. Mehmed Usta’nın katip tayin edilmesi Medîne-i Hazret-i Ebâ Eyyûb-i Ensârî -radiye anhu Rabbühü’l-Bârî-’de vâki‘ merhûm Evlice Baba vakfı olan nukūd-ı mevkūfenin kâtibi olmayıp bir kâtib nasb olunmak lâzım ve mühim olup işbu hâmilü’l-hurûf Osman Çelebi b. Mehmed Usta nâm kimesne her vechile hizmet-i kitâbete mahall ve müstahık ve uhdesinden gelmeğe kādir olmağın hâkim-i muvakki‘-i sadr-ı kitâb tûbâ-leh ve hüsnü me’âb hazretleri dahi mezbûr Osman Çelebi’yi vakf-ı mezkûre hasbî kâtib nasb ve ta‘yîn eyledikde ol dahi kitâbet-i mezbûreyi kabûl ve hıdemâtını edâya ta‘ahhüd etmeğin mâ hüve’l-vâki‘ gıbbe’l-ibtigā alâ hâze’l-minvâl ketb olundu. Fi’l-yevmi’r-râbi‘ min şehri Recebi’l-ferd li sene tis‘în ve elf. Şuhûdü’l-hâl: Mehmed Efendi b. Ahmed el-İmâm, İbrahim Çelebi b. Ahmed, Mustafa Çelebi b. Mehmed, Halil Bey b. Hasan, Abdi Beşe b. Mehmed, Hasan Çelebi b. Ahmed Peştamalîzâde, İbrahim Çelebi b. Mehmed, el-Hâc Ahmed b. Oruc.