Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680) cilt: 31, sayfa: 130 Hüküm no: 85 Orijinal metin no: [15b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İsmihan bt. Mustafa’nın bahçesini oğlu Ömer b. Mehmed’e satması Medîne-i Hazret-i Ebâ Eyyûb-i Ensârî -radiye anhu Rabbühü’l-Bârî- mahallâtından Nişancı mahallesi sâkinelerinden İsmihân bt. Mustafa nâm hâtun meclis-i şer‘-i hatîr-i lâzımü’t-tevkīrde sadrî kebîr oğlu işbu râfi‘ü’l-kitâb Ömer b. Mehmed nâm kimesne mahzarında bi tav‘ihâ ikrâr-ı tâm ve takrîr-i kelâm edip akd-i âtî sudûruna değin silk-i mülk-i sahîhimde münselik olup mahalle-i mezbûrede vâki‘ bir tarafdan Ahmed b. Hasan nâm kimesne mülkü ve bir tarafdan mezbûr Ömer mülkü ve bir tarafdan Ali b. Mehmed mülkü ve bir tarafdan Osman b. Mehmed mülkü ile mahdûd zât-ı eşcâr-ı müsmire ve gayr-ı müsmireyi hâvî bahçemi, cemî‘ tevâbi‘ ve levâhıkı ve âmme-i menâfi‘ ve merâfıkı ile oğlum mezbûr Ömer’e kırk kıt‘a esedî guruşa tarafeynden îcâb ve kabûlü hâvî bey‘-i bâtt-ı sahîh-i şer‘î ile bey‘ ve teslîm ol dahi ber vech-i muharrer iştirâ ve tesellüm ve kabûl eyledikden sonra semeni olan meblağ-ı mastûr kırk guruşu mezbûr Ömer yedinden tamâmen ahz ve kabz eyledim min ba‘d sâlifü’z-zikr bahçe oğlum mezbûr Ömer’in mülk-i müşterâsı olmuşdur keyfe mâ yeşâ’ ve yahtâr mutasarrıf olsun dedikde gıbbe’t-tasdîki’ş-şer‘î mâ hüve’l-vâki‘ bi’l-ibtigā ketb olundu. Fî gurreti Şa‘bâni’l-mu‘azzam li sene tis‘în ve elf. Şuhûdü’l-hâl: Mustafa Çelebi b. Cafer, Hüseyin Halîfe b. Mehmed el-Müezzin, Mustafa Çelebi b. Mustafa, Ahmed Çelebi b. Mustafa, Mehmed Efendi, Ali b. Mustafa, Mehmed b. Mustafa, Şaban b. Mustafa, İbrahim b. Mehmed.