Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680) cilt: 31, sayfa: 158 Hüküm no: 124 Orijinal metin no: [20a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Serkis v. Ahbaron’un Oskek bt. Bedros ile evlenmekten vazgeçtiği Vilâyet-i Anadolu’da Şebinkarahisarı kazâsına tâbi‘ Beregon nâm karye ahâlîsinden Hüseyin b. Mehmed nâm kimesne meclis-i şer‘de zikr-i âtî bikr-i bâliğayı tezevvüc murâd eden râfi‘-i hâze’s-sifr Serkis v. Ahbaron nâm zimmî tarafından ikrâr-ı âti’l-beyânı tasdîke vekîl olup nehc-i şer‘î üzre vekâleti şer‘an sâbite olan li ebeveyn karındaşı Arutin nâm zimmî muvâcehesinde ikrâr ve i‘tirâf edip karye-i mezbûrede sâkine olup gāibe ani’l-meclis Oskek bt. Bedros nâm bikr-i bâliğayı bundan akdem tezevvüc murâd eylediğimde örfen bir mikdâr şey ihdâ edip lâkin beynimizde akd-i nikâh dahi olmamışidi hâlâ bikr-i mezbûrenin tezevvücünden ve ihdâ eylediğim şeyden fâriğ oldum ba‘de’l-yevm bikr-i mesfûre dilediği kimesneye nefsini tezvîc eylesin dedikde gıbbe’t-tasdîki’ş-şer‘î mâ hüve’l-vâki‘ bi’t-taleb kayd şüd. Fi’l-yevmi’s-sâmin aşer min Şa‘bâni’l-mu‘azzam li sene tis‘în ve elf. Şuhûdü’l-hâl: Ebûbekir b. Allahverdi, Mehmed b. Eyüb, Mehmed b. Mahmud, Ali b. Abdullah.