Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680) cilt: 31, sayfa: 183 Hüküm no: 151 Orijinal metin no: [24a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa b. Ali’nin Hasköy ve Piri Paşa iskelelerindeki hamallar üzerine kethüda tayin olunması Havâss-ı Aliyye kazâsına tâbi‘ kasaba-i Hasköy iskelesi’nde ve Pîrî Paşa iskelelerinin hamalları bi esrihim meclis-i şer‘-i şerîfe gelip yine mezbûr hamallardan işbu râfi‘ü’l-vesîka Mustafa b. Ali nâm kimesne mahzarında her biri takrîr-i kelâm edip hâlâ bizim kethüdâmız olmamağla mezbûr Mustafa, kethüdâlığa cümleden ehak olmağın kıbel-i şer‘den mezbûr Mustafa bize kethüdâ nasb olunmak murâdımızdır dediklerinde hâkim-i muvakki‘-i sadr-ı kitâb tûbâ-leh ve hüsnü me’âb dahi mezbûr Mustafa’yı merkūmûn hamallara kethüdâ nasb ve ta‘yîn eyledikde ol dahi kethüdâlık hizmetini kabûl ve levâzımını edâya müte‘ahhid olmağın mâ hüve’l-vâki‘ kayd şüd. Fi’l-yevmi’t-tâsi‘ min şehri Ramazâni’l-mübârek li sene tis‘în ve elf. Şuhûdü’l-hâl: Musa Bey b. Mehmed, Hüseyin Çelebi b. Ali, Mehmed b. Eyüb, Mehmed b. Mahmud.