Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680) cilt: 31, sayfa: 186 Hüküm no: 156 Orijinal metin no: [24b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İstefan v. Radol’un alacak davasında Sâlih Çelebi b. Mehmed ile sulh olması Mahmiye-i İstanbul’da el-Hâc Muhyiddin mahallesi ahâlîsinden İstefan v. Radol nâm zimmî meclis-i şer‘-i şerîfde işbu râfi‘ü’l-kitâb Sâlih Çelebi b. Mehmed mahzarında bi’t-tav‘i’s-sâf ikrâr ve i‘tirâf edip merkūm Sâlih Çelebi zimmetinde her re’si birer esedî guruşdan kırk aded koyun semeninden kırk kıt‘a esedî guruş hakkım olup hâlâ taleb eylediğimde ol dahi meblağ-ı mezkûru tamâmen edâ ve teslîm eyledim deyû cevâb vermek ile beynimizde münâza‘ât-ı kesîre ve muhâsamât-ı ekîde vâkı‘a olmuşdu el-hâletü hâzihî beynimize muslihûn-ı müslimûn tavassut edip meblağ-ı mezkûr kırk guruş da‘vâsından mezbûr Sâlih Çelebi ile yirmi guruş üzerine sulh eylelediklerinde ben dahi sulh-ı mezbûru kabûl ve bedel-i sulh olan meblağ-ı mezkûru bi’t-tamâm mezbûr Sâlih yedinden ahz ve kabz edip husûs-ı mezkûra müte‘allika ve bundan akdem cihet-i karzdan da‘vâ eylediğim on beş guruş da‘vâsından ve beynimizde ma‘lûm çiftliğe müte‘allika da‘vâdan mezbûr Sâlih Çelebi zimmetini ibrâ-i âm ile ibrâ ve iskāt eyledim dedikde gıbbe’t-tasdîki’ş-şer‘î mâ vaka‘a kayd şüd. Fi’l-yevmi’l-hâdî aşer min Ramazâni’l-mübârek li sene tis‘în ve elf. Şuhûdü’l-hâl: Hüseyin Çelebi b. Muharrem, İbrahim Çelebi b. İsa, Mahmud Çelebi b. Mehmed, Osman b. ( ) el-Mübâşir, Mehmed b. Eyüb ve gayruhüm.