Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680) cilt: 31, sayfa: 190 Hüküm no: 162 Orijinal metin no: [25b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Emetullah bt. Mehmed’in muhâlaa yoluyla boşandığı Medîne-i Hazret-i Ebâ Eyyûb el-Ensârî mahallâtından Takyecibaşı mahallesinde sâkine olan Emetullah bt. Mehmed nâm hâtun meclis-i şer‘-i şerîf ve mahfil-i dîn-i münîfde -el-masûn ani’t-tağyîr ve’t-tahrîf- hâmil-i hâze’l-kitâb Ebûbekir b. Hüseyin nâm zevci ile muhâla‘a yapdı. Zevc-i mezbûr da nikâhında ta‘ahhüd ettiği râyicü’l-vakt iki bin akçe mehr-i müecceli beynlerinde ma‘lûm ve mu‘ayyen olan iddet nafakası ve me’ûnet-i süknâsı zevcesi üzerine olmak üzre zevce-i merkūme ile muhâla‘a yapdı. Zevce-i mezbûre bu sûretle yeni bir nikâh yapılmadan ve mehir ödenmeden helâl olmayacak şekilde zevc-i merkūmundan ayrılmış oldu. Sonra her biri cemî‘ de‘âvî, mütâlebât, eymân ve muhâsamâtdan umûmen, zevciyyetle alâkalı da‘vâdan husûsen yek diğerinin zimmetini ibrâ-i âm ile husûmet ve nizâ‘ı bertaraf edecek şekilde ibrâ etti. Cerâ zâlike ve hurrire fi’l-yevmi’r-râbi‘ aşer min şehri Şa‘bâni’l-mübârek sene tis‘în ve elf. Şuhûdü’l-hâl: Osman b. Ramazan, Mehmed b. Cafer, Ser-bölük Hüseyin Çelebi b. Ali, Mehmed b. Eyüb, Hasan b. Abdullah, Ali b. Abdullah, Mehmed b. Mahmud