Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680) cilt: 31, sayfa: 192 Hüküm no: 165 Orijinal metin no: [25b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Pano v. Minho’nun bazı emlâkini ve tarlasını Hristo v. Angalod’a bağışlaması Fi’l-asl vilâyet-i Rumeli’nde Koniçe kazâsına tâbi‘ Çersko nâm karyeden olup hâlâ mahmiye-i İstanbul’da Yenibahçe kurbunda sâkin Pano v. Minho meclis-i şer‘de dâmâdı Hristo v. Angalod nâm zimmî muvâcehesinde ikrâr edip akd-i âtî sudûruna değin mülkümde olup karye-i mezbûrede vâki‘ bir tarafdan Nikola ve bir tarafdan Niko ve bir tarafdan Pano ve bir tarafdan tarîk-i âm ile mahdûd bir bâb tahta oda ve bir ahır ve bir harman yeri ve bir mikdâr bahçe ve bir kıt‘a bağımı, merkūm Hristo’ya beş esedî guruşa bey‘ ettikden sonra yine karye-i mezbûre sınırında vâki‘ mevâzi‘-i müteferrikada adedi ve hudûdu ve zirâ‘ı beynimizde ma‘lûm tarlalarımın hakk-ı tasarrufunu dahi sâhib-i arz ma‘rifetiyle merkūm Hristo’ya üç esedî bedel mukābelesinde tefvîz eyledikden sonra cem‘an semen-i mezbûr ile bedel-i merkūm sekiz guruşu mesfûr Hristo’ya hibe eyledim ve sâlifü’z-zikr menzil ve bağ ve tarlaları mahallinde zabta mesfûr Hristo’yı taslît eyledim dedikde gıbbe’t-tasdîk mâ vaka‘a kayd kerde. Fî 16 min Ramazân sene 1090. Şuhûdü’l-hâl: Ahmed Efendi b. Bâli, Mustafa Efendi b. İsmail, Mehmed b. Eyüb, Mehmed b. Mahmud el-Muhzır, Pano v. Minho, Yano v. Niko, Sansi v. Pano, Kiryazo v. Yani, Pagoni v. Yano, Panayot v. Pano, Kapo v. Kiryazo.