Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680) cilt: 31, sayfa: 206 Hüküm no: 185 Orijinal metin no: [28a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Havva bt. Abdullah’ın Mehmed b. Mustafa’dan boşanması Havâss-ı Aliyye kazâsına tâbi‘ Terkos nâhiyesi müzâfâtından Pirinççi nâm karye sâkinelerinden Havva bt. Abdullah nâm hâtun meclis-i şer‘-i şerîfde zevci işbu râfi‘ü’l-kitâb Mehmed b. Mustafa nâm kimesne mahzarında bi tav‘ihâ ikrâr-ı tâm ve takrîr-i kelâm edip mezbûr Mehmed zevcim olup lâkin beynimizde hüsn-i mu‘âşeretim olmamağla zimmetinde mütekarrir ve ma‘kūdun-aleyh olan bin elli akçe mehr-i müeccel hakkım ile nafaka-i iddet-i mu‘ayyenem üzerlerine ve me’ûnet-i süknâm dahi kendi üzerime olmak üzre mezbûr Mehmed ile muhâla‘a-i sahîha-i şer‘iyye ile hul‘ olup ol dahi hul‘-ı mezbûru ba‘de’l-kabûl her birimiz âharın zimmetini zevciyyete müte‘allika da‘vâda ibrâ ve iskāt eyledik dedikde gıbbe’t-tasdîki’ş-şer‘î mâ hüve’l-vâki‘ kayd şüd. Fi’l-yevmi’s-sâbi‘ min Şevvâli’l-mükerrem sene [10]90. Şuhûdü’l-hâl: Hüseyin Çelebi b. Ali Ser-bölük, Mehmed b. Mahmud, Hasan b. Abdullah, Mehmed b. Eyüb ve gayruhüm.